فيديو- ناهد السباعي: تقديم المشاهد الساخنة حرية بيني وبين المخرج

انتقدت الفنانة ناهد السباعي الهجوم الشديد الذي تعرض له الفنان يوسف الشريف، عقب تصريحاته الأخيرة بأنه يشترط في تعاقداته عدم تقديم مشاهد ساخنة.

اقرأ أيضا: موقف مع والديه… سبب رفض يوسف الشريف لتقديم المشاهد الساخنة

أوضحت ناهد خلال حوارها مع الإعلامية لميس الحديدي ببرنامج “القاهرة الآن” المذاع على قناة “العربية – الحدث”، أنها تدافع عن الحرية عموما وليس عن يوسف فقط، لأن كل إنسان حر في قناعاته طالما لا يضر غيره، مضيفة: “يوسف نجم كبير جدا جدا، بيهتم ان كل الناس اللي بتشتغل معاه تبقا مبسوطة، محدش عنده مشاكل هو بيعمل مشاهد ولا.. اللي عنده مشكلة ميتفرجش أو ميشتغلش معاه.. مينفعش اختلف معاه عشان عنده قناعات غير قناعاتي”.

وعن رأيها في تقديم المشاهد الساخنة في الأعمال الفنية، قالت ناهد: “أنا ليا خطوطي والحدود اللي عاملاها لنفسي.. ده حاجة ترجعلي انا والمخرج ونحدد هنعمل ده ولا لا… دي حرية بيني وبين المخرج.. المشاهد له الحق يقبل ده أو ميقبلوش.. انا 90% من النجوم الكبار رأيهم زيي”.

وروت ناهد موقفا تعرضت له في تصوير أحد الأفلام، حيث طلب منها المخرج أن تظهر بالملابس الداخلية فرفضت، قائلة: “المخرج قالي بعد ما تطلعي م الدش هتتصوري لابسه الملابس الداخلية قولتله لأ مش هعمل كده ده مكنش موجود في الاسكريبت .. قالي ما انتي اتصورتي في فيلم يوم للستات بالمايوه.. قولتله معلش هي تفرق بالنسبة لي أنا حرة دي قناعاتي تفكيري براحتي”.

كان يوسف الشريف صرح في برنامج “مساء dmc”، قائلا: “في قيود أنا بحطها لنفسي زيادة عن أي حد تاني، ودي حقيقة حتى لو وصلت لدرجة العقود.. دي حقيقة بقالها 10 سنين أو أكتر، ده من بعد فيلم هي فوضى، بدأت أفكر بالطريقة دي.. دي حرية شخصية طالما مبضرش حد.. أنا مبستريحش لو بقي فيه مشاهد ساخنة أو فيها قبلات.. دي قاعدة بطبقها على نفسي بس.. بدأت أحط قيود لأن قبل كده في منتجين اتفقت معاهم على ده ووقت التنفيذ غيروا كلامهم”.

تابع: “وهنا أنا لا أزايد على زملائي أو إني أحسن منهم، بالعكس كلهم ليهم الاحترام ومنهم من يقدمون أعمالا محترمة دون أن يتعمدوا هذه الطريقة.. عشان بس الكلام ميتفهمش إني بزايد عليهم أو بقول إني أحسن منهم.. خالص”.

اقرأ أيضا:

رسالة مؤثرة من حفيدة رجاء الجداوي لأسرتها: يارب تكمل على خير

رضوى الشربيني تعلق على تصريحات يوسف الشريف