أسما شريف منير تستعرض جسمها بعد خسارة وزنها.. وتوجه رسالة للمتنمرين

كشفت الإعلامية المصرية أسما ابنة الفنان شريف منير، تجربتها مع فقدانها الوزن الزائد، حيث بدت في آخر ظهور لها رشيقة بعد فقدانها الكثير من الوزن الزائد.

ونشرت أسما صورتين لها عبر صفحتها على “إنستغرام”، الصورة الأولى تظهر بها بوزن زائد، والأخرى بعد فقدانها للوزن، وقارنت بينهما، مؤكدة أن الفرق بينهما 3 أشهر فقط.

ووصفت ابنة شريف منير صورتها وهي بوزن زائد بأنها كانت كسولة ولا تمتلك أي إرادة، موجهة حديثها إلى الذين تنمروا عليها في السابق بسبب وزنها الزائد، قائلة: “كان ليكم حق تقولوا عليا حامل”.

وعلقت أسماء على الصورتين قائلة: “‎الصورة اللي علي اليمين اتصورتها امبارح يوم ٢ اكتوبر ٢٠٢٠ و مفيهاش Edit لجسمي خااااااالص.. ظبط بس الوان الصوره عشان تبان.. اما الصورة التانية اللي علي الشمال دي صورة واحده تعبانه، كسلانة و معندهاش إرادة وحركتها تقيله (كان عندكم حق تقولولي انتي حامل؟) و دي كانت من ٣ شهور بس تخيلوا”.

وكشفت عن تفاصيل اتخاذها لقرار التخسيس، موضحة: “وقفت وقفة مع نفسي و قلت لأ مش هينفع الحياة دي خالص و المرة دي لازم تكون مختلفة، قررت اني مفيش حاجة اسمها دايت اصلاً ولا هينفع اتخن كده تاني”.

وتابعت :”دايت ده كلام فارغ هو اسلوب حياه و نظام.. هو مش أكل معين هو إني أكل و انا جعانه، بس بقي هاكل ايه؟ و قد إيه؟ و امتي؟ و أنام ازاي؟ و اتغلب علي الضغط النفسي ازاي؟!.. ‎ايه التحاليل اللي أعملها؟ و ايه العناصر اللي لازم أكلها؟ و ايه مصادرها؟ و اطبخها ازاي؟ و تطلع حلوة مش مسلوق و اكل مستشفيات”.

وأشارت إلى أنها استعانت بطبيبة تغذية لخسارة وزنها الزائد، مضيفة: “‎المرة دي روحت لدكتور شيري نبيل وقلتلها المرة دي بجد مع اني بقول كده كل مرة بس هي المرة دي فعلاً صدقت اني بتكلم بجد وفعلاً عملت البرنامج.. مش بس اتفصل عليا ، لأ ده غيرلي عاداتي و إختياراتي و نظرتي و تعاملي مع الضغوط اللي في حياتي”.

وأكدت أنها سوف تستمر هذه المرة في هذا البرنامج ولن تتراجع مرة أخرى لتصل إلى وزنها السابق، قائلة: “بجد المرة دي هكمل ان شاء الله و مش هرجع تاني أبداً و عشان كدة أنا مكمله في التحدي”.

وتشارك أسما والدها شريف منير، في تقديم برنامج ”أنا وبنتي“، الذي يناقش في كل حلقة أحد الموضوعات التي تتناول الفرق بين الأجيال.